Tuesday, September 25th, 2018

Kembuhung Makanan Khas Besemah

Published on March 13, 2014 by   ·   5 Comments

kembuhung. Makanan bangai, nasi dingin petang kemahi dicampur ikan, biasenye ame udem mbubus pauk, atau udem ngagha dibatang ahi sise manggang, mais ikan bedaun pisang, biasenye ame hule banyak juge nining dikale ade sise ye kecik kecik, titu digulai dimak, dipanggang besaklah sepitan nye tinggal ikane, luk ikan sepat bute, ikan piqhik , ikan mujair lebok, nak dinjuka nga tetangge maluan nginjuk ikan lebok, di uculka agi kemalian , makenye alternatif dibuat kembuhung makanan khas bada kite, busuk masak anye kandek pelemak makan.

kembuhung 1 , sumber gambar internet

kembuhung 1 , sumber gambar internet

Proses pembuatannye gampang menaqh, nasi petang kemahi dicampur nga ikan ye la dipeqhuti dibasuh bersih, dinjuk garam , diundak ka masuka ke dalam geluk, diaduk kudai ukurane kire kire ame ikan sekilu berarti nasi nye sekilu setengah mangke lemak juge ame agak banyak ikane , selanjute geluk ditukup mangke dide langawan, seminggu agi mpai karo ka , aroma nye la maknyuss , cukup kandek parfum begarehan mbau Bulgari Black ye rege tenga due juta lapan ratus tuh seragi bae 😀

Nah mangke lemak makane setue tadi ditumis atau dipaiska bedaun pisang, ame makan mata kemalian kate nining dikale ( kecuali pembace makse nian, penulis dide betanggung jawab ame pembace behuba ulas jadi ganteng, ye karok jadi alap hehe ) dicampur nga sehai, daun salam, nga kekanceane, pembace la terti ame jeme dusun, ame dek terti kina boleh kursus ke redaksi besemah.com.

Setelah masak kembuhung siap dihidangkan dan siap disantap, mangke lemak dikancei hebusan kisik, hebusan tahuk bekayu nga ulap kabau atau jehing mude dimakan nga nasi angat padi empai pule, asenye mentue liwat lagi dide kinaan ame dang nengkulung makan kembuhung beulam kabau .

kembuhung 2

ade pule jeme dindak makane, soale isandi mbau nga rupe la dek tau dibayangkah 😀

Udeh, acit kudai penulis nak ngajar kudai sambil nunggu abis jam la nak dhuhur pule, dimak ame diprotes li mahasiswi alap alap besak tebal, mane lapahq mane kere’ sahini sambil mbayangka kembuhung masak’an nduk laju neguk liuw .

Redaksi Besemah.com

Readers Comments (5)

  1. sjsjsj says:

    gagal paham bahasa

  2. iwan says:

    Mantaaaaabzzzz, lemak tegalau dong

  3. Roby says:

    Mantap nian …

  4. Indah says:

    Aku mpuk umak bak ku jeme Besemah.. anye lidah ni lum kelah tekecap kembuhung, nginak’e lah gelenggaman ..?
    Ai cacaaammm….

  5. admin says:

    itulah nak balik dusun bik wkwkkw




Tanggalan

March 2014
M T W T F S S
« Feb   Feb »
 12
3456789
10111213141516
17181920212223
24252627282930
31  

Baca Berita Lainnya

Alamat Redaksi

Office : Jl.H.M.Aman No.1 Grogol Limo Depok 16512
Telp. 021.2742 9191, 9403 9191
SMS .0856 902 9191
Hotline . 0812 8420 9191
E-mail. admin@besemah.com
Technical Support
Admin

Sponsor Utama Besemah.com

bace bae ye lain